(ភ្នំពេញ) : នៅព្រឹកថ្ងៃទី២៣ ខែឧសភា ឆ្នាំ២០២២ នេះ នៅវេលាម៉ោង៦:០០នាទី កម្លាំងជំនាញផ្នែកព្រហ្មទណ្ឌ បានធ្វេីការឃាត់ខ្លួនជនសង្ស័យ ១នាក់ ពាក់ព័ន្ធករណីចោរកម្ម (លួចរថយន្ត ) នៅចំណុចមុខកន្លែងផ្ញេីរឡានម៉ូតូT3 ផ្លូវ154 ភូមិ5 សង្កាត់ ជ័យជំនះ ខណ្ឌដូនពេញ រាជធានីភ្នំពេញ ។
ប្រភពពីសមត្ថកិច្ចបានឲ្យដឹងថា : ជនសង្ស័យមានឈ្មោះ អ៊ឹម រតនា ហៅឡែន ភេទស្រី មានអាយុ៣៨ឆ្នាំ មុខរបរ និងទីលំនៅមិនពិតប្រាកដ ។ ក្នុងនោះផងដែរសមត្ថកិច្ចបានដកហូតវត្ថុតាងរួមមាន : រថយន្តម៉ាកToyota VIOS ពណ៏ទឹកប្រាក់ លេខម៉ាសុីន INR5177853 លេខតួ F3501034432 ស្លាកលេខ ភ្នំពេញ 2AS-0194 ផលិតឆ្នាំ2018 ។
ក្រោយពីបានសួរចម្លេីយរួច ជនសង្ស័យបានសារភាពថា : ខ្លួនបានលួចរថយន្តនេះស្ថិតនៅចំណុច សណ្ឋាគារAPPLE បុរីញ៉ូថោន ផ្លូវសហពន្ធ័រុស្សី ភូមិព្រៃទា២ សង្កាត់ចោមចៅ៣ ខណ្ឌពោធ៏សែនជ័យ រាជធានីភ្នំពេញ ។ ភ្លាមៗនោះផងដែរកម្លាំងជំនាញរបស់អធិការដ្ឋាននគបាលខណ្ឌដូនពេញ បានទាក់ទងទៅប៉ុស្តិ៏នគរបាលរដ្ឋបាលចោមចៅ៣ ក្រោយពីមានពាក្យបណ្តឹងរបស់ជនរងគ្រោះ មកអធិការដ្ឋានបន្ទាប់មក បានប្រគល់ជនសង្ស័យរួមនឹងវត្ថុតាងអោយអធិការដ្ឋាននរបាលខណ្ឌពោធិ៏សែនជ័យ ដេីម្បីសួរនាំ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនិតិវិធី ។
