កំពត : រថយន្ត ១គ្រឿង ត្រូវភ្លើងឆាបឆេះយ៉ាងសន្ធោរសន្ធៅ កាលពី ថ្ងៃចន្ទ ១កើត ខែបុស្ស ឆ្នាំឆ្លូវ ត្រីស័ក.ព ស ២៥៦៥ ត្រូវនឹងថ្ងៃទី០៣ ខែមករា ឆ្នាំ២០២២ វេលាម៉ោង ១៣និង១០នាទី នៅ តាមបណ្តោយផ្លូវជាតិលេខ៣២ ផ្លូវឡើងភ្នំបូកគោ ចន្លោះបង្គោលគីឡូម៉ែត្រលេខ ១៥-១៦ ស្ថិតនៅភូមិរលួស សង្កាត់បឹងទូក ក្រុងបូកគោ ខេត្តកំពត ។
បើតាមរបាយការណ៍ពីប៉ូលិសបានឲ្យដឹងថា : រថយន្តម៉ាកកាម៉ារីបាឡែន ពណ៌ទឹកប្រាក់ ពាក់ស្លាកលេខ ភ្នំពេញ ២S ៣៧៤៥ មានទិសដៅពីក្រោមឡើងទៅលើភ្នំបូកគោ លុះដល់កន្លែងកើតហេតុបានឆ្លងភ្លើងបណ្ដាលឱ្យឆេះតែម្ដង ។ ករណីនេះរថយន្តពន្លត់អគ្គិភ័យ របស់ក្រុមហ៊ុន អូតែលសុខា បានចុះមកអន្តរាគមន៍ បាញ់ពន្លត់អគ្គិភ័យនេះផងដែរ ។
របាយការណ៍បានបញ្ជាក់ថាទៀតថា : អ្នកបើបររថយន្ដឈ្មោះ ចាប ផាង ភេទ ប្រុស អាយុ៦៤ ឆ្នាំ រស់នៅភូមិឡូរី សង្កាត់រកាក្នុង ក្រុងដូនកែវ ខេត្តតាកែវមិនមានរបួសនិងអ្នករួមដំណើរមួយនាក់ ឈ្មោះ ភឹម សាវុធ ភេទប្រុស អាយុ៦៥ ឆ្នាំ រស់នៅភូមិសែនបន ឃុំលាយបូរ ស្រុកត្រាំកក់ខេត្តតាកែវ មិនមានរបួស ។
ក្រោយកើតហេតុ រថយន្តដែលឆេះត្រូវបានកម្លាំងជំនាញទាក់ទងឡានស្ទួច ដើម្បីស្ទួចយកមករក្សាទុកនៅអធិការដ្ឋាននគរបាលក្រុងបូកគោ ៕
