សៀមរាប : តាមសេចក្តីរាយការណ៍ពីបណ្តាញព័ត៌មានបានឱ្យដឹងថា : បុរសជនសង្ស័យជាប្ដី ដែលបានអារ.ក សម្លាប់ប្រពន្ធ នៅក្បែរផ្សារដើមក្រឡាញ់ ភូមិទក្សិណខាងត្បូង សង្កាត់គោកចក ក្រុងសៀមរាប ត្រូវសមត្ថកិច្ចចាប់ខ្លួនបាន នៅរាជធានីភ្នំពេញ បន្ទាប់ពីរត់គេចខ្លួនបានមួយថ្ងៃ។
សូមជំរាបថា ជនរងគ្រោះក្នុងករណីឃាតកម្ម ដែលត្រូវប្ដីអារ.ក សម្លាប់សង្ស័យផ្ដើមចេញពីភ្លើងប្រចណ្ឌ ខណៈស្ត្រីរូបនេះ មានកូនប្រុសស្រី ៤ នាក់ ធ្វើការនៅភោជនីយដ្ឋាន។
ជនរងគ្រោះមាន ឈ្មោះ សូចន្ធី ភេទស្រី អាយុប្រហែល៤០ឆ្នាំ ចំណែកបុរសជាប្ដីឈ្មោះ ធួក ឈាត អាយុ ៤៣ឆ្នាំ មុខរបរ រត់ម៉ូតូកង់បី។
ករណីឃាតកម្មនេះបានកើតឡើងកាលពីវេលាម៉ោង ១៣៖០០ ថ្ងៃទី ២ ខែធ្នូ ឆ្នាំ ២០២១នេះ នៅភូមិទក្សិណត្បូង សង្កាត់គោកចក ក្រុងសៀមរាប ខេត្តសៀមរាប៕
