ភ្នំពេញ៖ រថយន្ត Rolls Royce តម្លៃជាង១លានដុល្លារ ពណ៌ស ពាក់ស្លាកលេខកម្ពុជា MR.IDOL រេចង្កូតបុករបាំងថ្មនិងបង្គោលភ្លេីងបំភ្លឺផ្លូវ បាក់អស់មួយដេីម និងខ្ទេចរថយន្តមួយកំណាត់មុខ តែមិនបណ្ដាលឲ្យនរណាម្នាក់រងរបួសនោះទេ ភ្លាមៗមានរថយន្តផ្សេងមកដឹកអ្នកបេីកបរចេញពីកន្លែងកេីតហេតុបាត់ស្រមោល ។ ហេតុការណ៍គ្រោះថ្នាក់ចរាចរណ៍នេះកេីតឡេីងកាលពីម៉ោងជាង២ជិតភ្លឺឈានចូលថ្ងៃពុធ ទី១៣ ខែតុលា ឆ្នាំ២០២១នេះ នៅតាមបណ្ដោយផ្លូវសហព័ន្ធរុស្ស៊ី ចម្ងាយពីស្ពានអាកាសពេទ្យលោកសង្ឃ ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។
សូមជម្រាបជូនថា រថយន្តស៊េរីទំនេីប ម៉ាក Roll Royse ពណ៍ស តម្លៃជាង១លានដុល្លារនេះ ពាក់ស្លាកលេខ “កម្ពុជា MR.IDOL” ដែលគេស្គាល់ថាជារថយន្តរបស់អ្នកនាង ដេត ម៉ាលីណា តែនៅពេលកេីតហេតុ គេមិនទាន់ដឹងច្បាស់ថា បេីកបរដោយនរណានោះទេ។
សាក្សីដែលឃេីញហេតុការណ៍ផ្ទាល់បានប្រាប់ឲ្យអ្នកយកព័ត៌មាន ( B M K )ឲ្យបានដឹងថា : នៅមុនពេលកើតហេតុ គេបានឃេីញរថយន្តស៊េទំនើបមួយគ្រឿង ម៉ាក Roll Royse ពណ៌ស ពាក់ស្លាកលេខកម្ពុជា MR.IDOL បេីកបរដោយមនុស្សមិនស្គាល់អត្តសញ្ញាណ បានធ្វេីដំណេីរតាមផ្លូវសហព័ន្ធរុស្សី ទិសដៅពីកេីតទៅលិច ខណៈពេលធ្វេីដំណេីរមកដល់ត្រង់ចំណុចកេីតហេតុខាងលេី មិនដឹងថាគេចអ្វីនោះទេ ធ្វេីឲ្យរថយន្តដែលកំពុងបេីកបរក្នុងល្បឿនលឿន បានរេចង្កូតទៅបុករបាំងថ្មពុះចែកទ្រូងផ្លូវចំពីមុខពេញទំហឹង បណ្តាលឲ្យរថយន្តរងការខូចខាតចំផ្នែកខាងមុខយ៉ាងដំណំ និងខូចខាតរបាំងថ្មពុះចែកទ្រូងផ្លូវអស់ចំនួន១ផ្ទាំងថែមទាំងបាក់បង្គោលភ្លេីងបំភ្លឺផ្លូវបាក់ចំនួន១ដេីមផងដែរ។ បន្ទាប់ពីកេីតហេតុនារីជាម្ចាស់រថយន្តត្រូវបានចុះចេញពីរថយន្តរួចបន្តឡេីងរថយន្តផ្សេងទៀតជិះគេចខ្លួនចេញពីកន្លែងកេីតហេតុបាត់ស្រមោល។ ភ្លាមៗនោះក៏មានវត្តមានកម្លាំងសម្ថកិច្ចមួលដ្ធានចុះទៅទីតាំងកន្លែងកេីតហេតុរួចបន្តរាយការណ៍ទៅសម្ថកិច្ចជំនាញផ្នែកចរាចរណ៍ចុះមកធ្វេីការត្រួតពិនិត្យនៅកន្លែងកេីតហេតុផងដែរ។
បន្ទាប់ពីកេីតហេតុភ្លាមៗ គេសង្កេតឃើញខាងការិយាល័យអគ្គិសនីបំភ្លឺសាធារណៈនិងភ្លេីងសញ្ញាចរាចរណ៍ របស់មន្ទីរសាធារណការនិងដឹកជញ្ជូនរាជធានីភ្នំពេញ បានចុះមកកាត់ផ្ដាច់ចរន្ត និងបង្គោលភ្លេីងបំភ្លឺផ្លូវ នៅផ្លូវសហព័ន្ធរុស្សីនឹងតភ្លើងឲ្យបានភ្លឺឡេីងវិញផងដែរ។ ចំណែកឯសមត្ថកិច្ចផ្នែកចរាចរណ៍មូលដ្ឋាន សហការជាមួយជំនាញ បានចុះមកធ្វេីការវាស់វែង និងស្ទូចយករថយន្តបង្ក ទៅរក្សាទុកបណ្ដោះអាសន្ន នៅការិយាល័យចរាចរណ៍ជេីងគោក នៃស្នងការដ្ឋាននគរបាលរាជធានីភ្នំពេញ ដេីម្បីស្រាវជ្រាវរកមម្ចាស់រថយន្តបង្ករឲ្យចូលខ្លួនមកដោះស្រាយទៅតាមច្បាប់បន្តទៀតផងដែរ៕
