ភ្នំពេញ : នៅរសៀលថ្ងៃទី១៦ ខែកក្កដា ឆ្នាំ២០២១ វេលាម៉ោង១៥:០០នាទី លោកឧត្តមសេនីយ៍ត្រី ម៉ៅ រង្សី និងលោកឧត្តមសេនីយ៍ត្រី សរ សំណាង ស្នងការរង តំណាងឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ទទួលខុសត្រូវបញ្ជាដឹកនាំការងារនៅអធិការដ្ឋាននគរបាលខណ្ឌឫស្សីកែវ និងលោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវ បានដឹកនាំកម្លាំងរួមមានលោកអធិការរង នាយផ្នែក នាយ-នាយរងប៉ុស្តិ៍ និងមន្រ្តីចុះសួរសុខទុក្ខ និងចូលរួមរំលែកមរណៈទុក្ខគ្រួសារសពលោកអនុសេនីយ៍ឯក ជា សុគន្ធ នាយរង នៃប៉ុស្តិ៍នគរបាលរដ្ឋបាលទួលសង្កែទី២ ដែលបានទទួលមរណៈភាពដោយរោគាពាធ នៅវេលាម៉ោង០២:៤០នាទី ទៀបភ្លឺ ថ្ងៃទី១៦ ខែកក្កដា ឆ្នាំ២០២១ ។
និងលោកស្នងការរងតំណាងឯកឧត្តមស្នងការ បាននាំយកលិខិតរំលែកមរណ:ទុក្ខជូនដល់ក្រុមគ្រួសារសព និងបាននាំយកអំណោយរួមមានថវិកាឯកឧត្តមស្នងការ ចំនួន៣លានរៀលថវិកាចំនួន ២លានរៀល របស់អធិការនគរបាលខណ្ឌឫស្សីកែវ
អង្ករ ១០០គីឡូក្រាម, ទឹកសុទ្ធ ២៥យួរ, មីចំនួន ០៨ឡូ, ទឹកត្រី ០២យួរ, ទឹកស៊ីអ៊ីវ ០២យួរ ៕
