(ភ្នំពេញ) : នៅថ្ងៃទី១៥ ខែតុលា ឆ្នាំ២០២២នេះ ជាខួបគម្រប់១០ព្រះវស្សា នៃការយាងសោយទិង្គតរបស់ ព្រះករុណា ព្រះបាទសម្ដេចព្រះនរោត្ដម សីហនុ អតីតព្រះមហាក្សត្រនៃព្រះរាជាណាចក្រកម្ពុជា។ ថ្ងៃទី១៥ ខែតុលា កាលពី១០ឆ្នាំមុន គឺជាពេលវេលាដ៏សែនសោកសៅ និងសោកសង្រេងបំផុតសម្រាប់ជាតិខ្មែរទាំងមូល ព្រោះជាពេលវេលាបាត់បង់នូវព្រះមហាវីរក្សត្រដ៏ឆ្នើមមួយអង្គ គឺសម្តេចព្រះបរមរតនកោដ្ឋ នរោត្តម សីហនុ។
នៅឯព្រះបរមរាជវាំង នៅថ្ងៃនេះ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រី មុនិនាថ នរោត្តម សីហនុ ព្រះវររាជមាតាជាតិខ្មែរ ជាទីសក្ការៈដ៏ខ្ពង់ខ្ពស់បំផុត រួមទាំងថ្នាក់ដឹកនាំជាតិសំខាន់ៗ បានប្រារព្ធព្រះរាជពិធីឧទ្ទិសព្រះមហាកុសលគម្រប់ខួប១០ព្រះវស្សា ថ្វាយដួងព្រះវិញ្ញាណក្ខន្ធ ព្រះបរមរតនកោដ្ឋ នៅព្រះបរមរាជវាំង។
![](http://www.bmk-hotnews.com/wp-content/uploads/FB_IMG_1665828057660-1024x681.jpg)
ពិធីនៅព្រះបរមរាជវាំងនេះ មានការអញ្ជើញចូលរួមដោយ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា, សម្តេចអគ្គមហាពញាចក្រី ហេង សំរិន ប្រធានរដ្ឋសភា, សម្តេចវិបុលសេនាភក្តី សាយ ឈុំ ប្រធានព្រឹទ្ធសភា, សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ, សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ព្រមទាំងថ្នាក់ដឹកនាំជាឥស្សរជនជាន់ខ្ពស់មួយចំនួនទៀត។
ចំណែកមន្ត្រីតាមបណ្តាក្រសួងស្ថាប័ននានា ក៏បានអញ្ជើញគោរពព្រះវិញ្ញាណក្ខន្ធ ព្រះបរមរតនកោដ្ឋ នាមណ្ឌប សួនច្បារខាងកើតវិមានឯករាជ្យផងដែរ។ ក្រៅពីនោះ នៅតាមបណ្តាខេត្តនានា អាជ្ញាធរក៏បានរៀបចំគោរពព្រះវិញ្ញាណក្ខន្ធ ព្រះបរមរតនកោដ្ឋ នៅក្នុងសាលាខេត្តរៀងៗខ្លួន។
ប្រជាពលរដ្ឋខ្មែរគ្រប់រូប នៅតែចងចាំជាប់មិនអាចបំភ្លេចនូវស្នាព្រះហស្ថ ព្រះបរមរតនកោតដ្ឋ គឺព្រះអង្គយាងបំពេញព្រះរាជបូជនីយកិច្ច យ៉ាងអង់អាចក្លាហានក្នុងការទាមទារ និងដណ្តើមសិទ្ធិសេរីភាព ជូនប្រជាពលរដ្ឋខ្មែរ ពីនឹមអនាគមបារាំងរហូតទទួលបានជោគជ័យនៅថ្ងៃទី៩ វិច្ឆិកា ឆ្នាំ១៩៥៣៕
![](http://www.bmk-hotnews.com/wp-content/uploads/FB_IMG_1665828062086-1024x681.jpg)
![](http://www.bmk-hotnews.com/wp-content/uploads/FB_IMG_1665828068154-1024x681.jpg)
![](http://www.bmk-hotnews.com/wp-content/uploads/FB_IMG_1665828072963-1024x681.jpg)
![](http://www.bmk-hotnews.com/wp-content/uploads/FB_IMG_1665828075420-1024x683.jpg)
![](http://www.bmk-hotnews.com/wp-content/uploads/FB_IMG_1665828096963-1024x681.jpg)
![](http://www.bmk-hotnews.com/wp-content/uploads/FB_IMG_1665828065408-680x1024.jpg)
![](http://www.bmk-hotnews.com/wp-content/uploads/FB_IMG_1665828070729-1024x681.jpg)
![](http://www.bmk-hotnews.com/wp-content/uploads/FB_IMG_1665828079377-1024x684.jpg)
![](http://www.bmk-hotnews.com/wp-content/uploads/FB_IMG_1665828093402-1024x681.jpg)
![](http://www.bmk-hotnews.com/wp-content/uploads/FB_IMG_1665828084084-1024x684.jpg)
![](http://www.bmk-hotnews.com/wp-content/uploads/FB_IMG_1665828088222-1024x681.jpg)
![](http://www.bmk-hotnews.com/wp-content/uploads/FB_IMG_1665828103967-1024x683.jpg)
![](http://www.bmk-hotnews.com/wp-content/uploads/FB_IMG_1665828111216-1024x684.jpg)
![](http://www.bmk-hotnews.com/wp-content/uploads/FB_IMG_1665828120543-1024x681.jpg)
![](http://www.bmk-hotnews.com/wp-content/uploads/FB_IMG_1665828115243-1024x681.jpg)
![](http://www.bmk-hotnews.com/wp-content/uploads/1665828891259-1024x768.jpg)