កំពង់ស្ពឺ៖ មនុស្សប្រុសស្រី ០៥នាក់ រងរបួសធ្ងន់និងស្រាល ក្នុងហេតុការណ៍ក្រឡាប់រថយន្តលើផ្លូវល្បឿលឿន។បង្កភ្ញាក់ផ្អើលកាលពីវេលាម៉ោង១៥ និង ៤៥ នាទីរសៀលថ្ងៃទី០១ ខែកក្កដា ឆ្នាំ២០២២ នៅលើកំណាត់ផ្លូវល្បឿនលឿន ត្រង់ចំណុច ភូមិពាមទុង ឃុំត្រែងត្រយឹង ស្រុកភ្នំស្រួច ខេត្ដកំពង់ស្ពឺ ។
សមត្ថកិច្ចបានឲ្យដឹងថា : អ្នកបើកបរឈ្មោះ ប៉ក់ ពឿន ភេទប្រុស អាយុ៣៩ឆ្នាំ រស់នៅភូមិព្រៃខ្លា ឃុំព្រៃកណ្ដៀង ស្រុកពាមរក៍ ខេត្តព្រៃវែងនិង អ្នករួមដំណើរ ០៤នាក់ ស្រី ០១នាក់ ក្នុងនោះ ទី១/ឈ្មោះ អាន់ ជុងហូ ភេទប្រុស អាយុ៥៧ឆ្នាំ (ជនជាតិកូរ៉េ)
ទី២/ឈ្មោះ អុី សហា ភេទប្រុស អាយុ៤០ឆ្នាំ(ជនជាតិកូរ៉េ)
ទី៣/ឈ្មោះ គីម យ៉ុងហ៊ុន ភេទប្រុស អាយុ ៤៦ឆ្នាំ (ជនជាតិកូរ៉េ)
ទី៤/ឈ្មោះ មីន ធីតា ភេទស្រី អាយុ១៨ឆ្នាំ (ជនជាតិខ្មែរ)
តាមការអោយដឹងពីលោកវរសេនីយ៍ទោ ពៅ នឿន អធិការ នគរបាលស្រុកភ្នំស្រួច បានឲ្យដឹងថា : រថយន្ដដែលជួប ឧបវហេតុខាងលើ រថយន្ត ម៉ាក អាល់ហ្វាត ពណ៍ស ស្លាកលេខ ភ្នំពេញ 2BF-8590 បើកបរពីទិសខាងកើតទៅទិសខាងលិច ក្នុងគន្លងខាងឆ្វេងដៃ ដល់ចំណុចខាងលើ បានគេចរថយន្តមួយគ្រឿងទៀត មិនស្គាល់ម៉ាក រួចអ្នកបេីកបរជាន់ហ្រ្វាំង ក្នុងពេលរថយន្ដកំពុងឋិតក្នុងល្បឿនលឿន បណ្ដាលឱ្យក្រឡាប់ជាច្រើនជុំ គ្រោះថ្នាក់មនុស្សនៅក្នុងរថយន្ដ(៤) និងខូចខាតរថយន្ដទាំងស្រុង។
ក្រោយកើតហេតុសមត្ថកិច្ចនគរបាលបានជួយសង្គ្រោះបញ្ជូនជនរងគ្រោះទៅកាន់មន្ទីរពេទ្យ ដោយឡែករថយន្តបានយកមករក្សាទុកនៅអធិការដ្ឋាននគរបាលស្រុកភ្នំស្រួចបណ្តោះអាសន្ន ។
