ភ្នំពេញះ រថយន្តដឹកទំនិញ ប្រភេទឃ្លុប បើកចុះពីស្ពានព្រះមុនីវង្សចាស់ ហើយរថយន្តដាច់ហ្វ្រាំងបានជ្រុលទៅបុកមធ្យោបាយធ្វើដំណើរជាច្រើនគ្រឿងនិងរងរបួសមនុស្សជាច្រើននាក់ ។ហេតុការណ៍នេះ នៅវេលាម៉ោង២និង៣០នាទី
រសៀល ថ្ងៃទី២៣ ខែធ្នូ ២០២១ នៅចំណុចក្រោមស្ពានអាកាសក្បាលថ្នល់ មុខការ៉ាស់សាំងភីធីធី សង្កាតទន្លេបាសាក់ ខណ្ឌចំការមន រាជធានីភ្នំពេញ។
រថយន្តបង្កម៉ាក ហ៊ីណូ ក្បាលពណ៍ខៀវ ពាក់ស្លាកលេខភ្នំពេញ3G-3338 បើកបរដោយបុរសម្នាក់វ័យជាង៣០ឆ្នាំ រត់គេចក្រោយបង្ករ តែត្រូវសមត្ថកិច្ចឃាត់ខ្លួនបានទុកប្រគល់ឲជំនាញ។
![](http://www.bmk-hotnews.com/wp-content/uploads/IMG_20211223_180015_501-1024x768.jpg)
មុនពេលកើតហេតុ បើតាមអ្នកឃើញហេតុការណ៍បានឲដឹងថា : រថយន្តបង្កហេតុបើកបរចុះពីលើស្ពានព្រះមុនីវង្សចាស់ ក្នុងទិសដៅពីកើតទៅលិច ខណះចុះមកដល់ក្រោមស្រាប់តែរថយន្ត ដាច់ហ្វ្រាំងដាក់លេខទប់ល្បឿនក៏មិនចូល ក៏ជ្រុលទៅបុករថយន្ត ម៉ូតូនិងម៉ូតូកង់បី ដែលនៅខាងមុខ សរុប១០គ្រឿង របួសមនុស្ស១៣នាក់ធ្ងន់៧នាក់ ។
ក្នុងហេតុការណ៍នេះ បង្កអោយខូចខាត រថយន្ត៣គ្រឿង ម៉ូតូ៦គ្រឿង និង ម៉ូតូកង់បី៤គ្រឿង សរុប១៣គ្រឿង ។
បើតាមសម្តីតៃកុងរថយន្តដែល សមត្ថកិច្ចឃាត់ខ្លួន បានឲ សារព័ត៌មានB.M.K Hot news ដឹងថា : ខណះពេលបើកចុះពីលើស្ពានស្រាប់តែរថយន្ត ជាន់ហ្វ្រាំងលែងស៊ី ហើយខ្លួនបានបុកលេខបញ្ចូលដើម្បីទប់ល្បឿននិងព្យាយាមបញ្ឈប់រថយន្ត និងប៊ួងចង្កូតអោយទៅបុកនិងខឿនផ្លូវ ប៉ុន្តែនៅតែទប់មិនជាប់ក៏ជ្រុលទៅបុករះម៉ូតូ ម៉ូតូកង់បីនិងរថយន្តជាច្រើនគ្រឿងតែម្តង។
![](http://www.bmk-hotnews.com/wp-content/uploads/IMG_20211223_180049_707-1024x576.jpg)
![](http://www.bmk-hotnews.com/wp-content/uploads/IMG_20211223_180110_898-1024x576.jpg)
ក្រោយកើតហេតុភ្លាម ប៉ូលិសចរាចរណ៍ដែលឈរ នៅគោលដៅខាងលើបាន ហៅរថយន្តសាមុយមកដឹកជនរងគ្រោះទៅសង្គ្រោះបន្ទាន់ និង សម្រួលការកកស្ទះ គូសវាស សម្រួលយកមធ្យោបោយធ្វើដំណើរដែលគ្រោះថ្នាក់ទាំងអស់ចេញពីកន្លែងកើតហេតុ និងវាស់វែងយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញដើម្បីរងចាំការដោះស្រាយតាមផ្លូវច្បាប់ ៕
![](http://www.bmk-hotnews.com/wp-content/uploads/IMG_20211223_180023_129-1024x768.jpg)
![](http://www.bmk-hotnews.com/wp-content/uploads/IMG_20211223_180031_392-1024x576.jpg)
![](http://www.bmk-hotnews.com/wp-content/uploads/IMG_20211223_180103_792-1024x576.jpg)
![](http://www.bmk-hotnews.com/wp-content/uploads/IMG_20211223_180057_906-1024x576.jpg)
![](http://www.bmk-hotnews.com/wp-content/uploads/IMG_20211223_180110_898-1-1024x576.jpg)
![](http://www.bmk-hotnews.com/wp-content/uploads/IMG_20211223_180124_873-1024x576.jpg)
![](http://www.bmk-hotnews.com/wp-content/uploads/IMG_20211223_173223_556-1024x576.jpg)