ភ្នំពេញ៖ ឯកឧត្តម មាន ចាន់យ៉ាដា អភិបាលរាជធានីភ្នំពេញ ៖ បើទោះជាស្ថានភាពជំងឺកូវីដ-១៩ នៅរាជធានីភ្នំពេញ មានភាពល្អប្រសើរច្រើនក្តី ក៏យើងមិនត្រូវធ្វេសប្រហែស ល្មើសនឹងបំរាមរបស់អាជ្ញាធរឡើយ។
អភិបាលរាជធានីភ្នំពេញរូបនេះ បន្តថា ៖ ជាការពិត កាលៈទេសៈនេះ យើងត្រូវរៀនរស់ជាមួយនឹងកូវីដ-១៩ ប៉ុន្តែមិនត្រូវមើលស្រាលចំពោះមហន្តរាយ នៃការឆ្លងរីករាលដាលនៃជំងឺនេះឡើយ។
ឯកឧត្តម មាន ចាន់យ៉ាដា បញ្ជាក់បន្ថែមថា ត្រូវរស់តាមបែបគន្លងថ្មី ប្រកាន់ភ្ជាប់គោលការណ៍ “៣ការពារ ៣កុំ” ដែលជាយ័ន្តដ៏ស័ក្តិសិទ្ធ របស់សម្ដេចតេជោ សម្រាប់យើងគ្រប់ៗគ្នា។
នាយប់ថ្ងៃទី២២ ខែតុលា ឆ្នាំ២០២១ ក្រោយពីមានបទបញ្ជារបស់ ឯកឧត្តម ឃួង ស្រេង អភិបាលរាជធានីភ្នំពេញ ឯកឧត្តម មាន ចាន់យ៉ាដា បានចុះពិនិត្យ នឹងបង្ក្រាបទីតាំងខារ៉ាអូខេមួយកន្លែង ក្នុងខណ្ឌទួលគោក ដែលបានលួចបើកល្មើសនឹងបំរាមរបស់រដ្ឋបាលរាជធានីភ្នំពេញ។
